మంగళవారం మేడే వారోత్సవాల ముగింపు కార్యక్రమం

ఎదులాపురం: మే డే వారోత్సవాల ముగింపు కార్యక్రమాలను మే 7న అదిలాబాద్ జిల్లా కేంద్రంలో నిర్వహించనున్నారు. ఉదయం 9 గంటలకు సీఐటీయూ జిల్లా కార్యాలయం నుంచి ర్యాలీతో ప్రారంభమై అనంతరం సెంట్రల్ గార్డెన్ టీఎన్జీవోస్‌లో నిర్వహించే సభతో ముగించనున్నట్లు సీఐటీయూ జిల్లా ప్రధాన కార్యదర్శి అన్నమొల్ల కిరణ్ తెలిపారు. స్థానిక జిల్లా కార్యాలయంలో నిర్వహించిన సమావేశంలో ఆయన పాల్గొని మాట్లాడుతూ.. కార్యక్రమానికి ముఖ్య అతిథిగా సీఐటీయూ అఖిల భారత కోశాధికారి ఎం.సాయిబాబు హాజరవుతున్నట్లు తెలిపారు. బహిరంగ సభకు కార్మికులు ఉద్యోగులు అధిక సంఖ్యలో హాజరై జయప్రదం చేయాలని పిలుపునిచ్చారు.