క్షయ నివారణకు చర్యలు

చింతపల్లి గ్రామీణం, కొయ్యూరు, న్యూస్‌టుడే: మన్యంలో క్షయ వ్యాధి నివారణకు ప్రత్యేక చర్యలు తీసుకుంటున్నామని జిల్లా ఇమ్యునైజేషన్‌ అధికారిణి సాధన పేర్కొన్నారు. గురువారం లంబసింగి ప్రాథమిక ఆరోగ్య కేంద్రాన్ని తనిఖీ చేశారు. ఆమె మాట్లాడుతూ.. క్షయ వ్యాధికి గురైన వ్యక్తికి, సంబంధిత కుటుంబసభ్యులందరికీ బీసీజీ టీకాలు వేస్తున్నామని తెలిపారు. బాధితులు భయపడొద్దని, పీహెచ్‌సీల్లో మందులు అందుబాటులో ఉన్నాయని పేర్కొన్నారు. వైద్యులు దినేశ్‌, వరప్రసాద్‌, ఎంపీహెచ్‌వో మురళి తదితరులు పాల్గొన్నారు. అంతకుముందు డౌనూరు పీహెచ్‌సీలో బీసీజీ వ్యాక్సినేషన్‌ కార్యక్రమాన్ని డీఐవో ప్రారంభించారు. స్థానిక వైద్యాధికారి లలిత, ఎంపీహెచ్‌ఈవో ఎం.అప్పలనాయుడు, టి.బి.సూపర్‌వైజర్‌ వై.అచ్చియ్యనాయుడు, సిబ్బంది పాల్గొన్నారు.