‘వైకాపాను రాష్ట్రం నుంచి తరిమికొట్టాలి’

కేదారేశ్వరపేట, న్యూస్‌టుడే: అన్ని వర్గాల ప్రజలకు అన్యాయం చేసిన వైకాపాను రాష్ట్రం నుంచి తరిమికొట్టాలని తెదేపా విజయవాడ ఎంపీ అభ్యర్థి కేశినేని శివనాథ్‌ పిలుపునిచ్చారు. ఆదివారం 34వ డివిజన్‌లో తెదేపా నాయకురాలు విజయలక్ష్మి ఆధ్వర్యంలో ఏర్పాటు చేసిన కూటమి కార్యాలయాన్ని ప్రారంభించిన అనంతరం ఆయన మాట్లాడారు. జగన్‌ రాక్షసపాలనకు విసుగు చెందిన రాష్ట్ర ప్రజలు చంద్రబాబును ముఖ్యమంత్రి చేయడానికి సిద్ధంగా ఉన్నారన్నారు. కూటమి గెలుపునకు ప్రతి ఒక్కరూ కృషి చేయాలని కోరారు. ఈ కార్యక్రమంలో డివిజన్‌ పార్టీ నాయకులు మహ్మద్‌ సుభానీ, ఎంఎస్‌ బేగ్‌, పైలా సోమినాయుడు, గంటా మాధవ చెంగలరావు, ఆడపాల వసంత్‌, జగదీష్‌, శివ, తేజ, మహ్మద్‌ ఖాజా తదితరులు పాల్గొన్నారు.