చిత్ర వార్తలు

అమరావతి అందాలు అదరహో

శ్రీమతి అమరావతి గ్రాండ్‌ ఫినాలేలో.. ర్యాంప్‌వాక్‌ చేస్తున్న మహిళలు

శ్రీమతి అమరావతి- 2021 అందాల పోటీ విజేతగా చంద్రిక ఎంపికయ్యారు. రన్నరప్‌గా అర్చన, రెండో రన్నరప్‌గా జెస్లీన్‌ నిలిచారు. తేజాస్‌ ఎలైట్స్‌ ఆధ్వర్యంలో సీజన్‌-6 గ్రాండ్‌ ఫినాలే శనివారం ఉత్సాహంగా సాగింది. శ్రీమతులు ర్యాంపుపై హోయలొలికిస్తూ ఆహూతులను అలరించారు. సినీ నటి ప్రియ, గత ఏడాది విజేత ఉమా హైనీ చేతుల మీదుగా విజేతలు ట్రోఫీలు అందుకున్నారు. మరో సినీ నటి మాధవీలత హాజరయ్యారు. పోటీలకు ‘కళాంజలి’ స్పాన్సర్‌గా వ్యవహరించింది.

- న్యూస్‌టుడే, కరెన్సీనగర్‌

హర హర మహాదేవ

నర్శింగపాడులో ఆదిదంపతులైన శ్రీగంగాఅన్నపూర్ణాదేవి, పార్వతీదేవిలతో మరకతలింగ చంద్రమౌళీశ్వరస్వామి కల్యాణం శనివారం రాత్రి కనుల పండువగా జరిగింది. అనంతరం జరిగిన తెప్పోత్సవ కార్యక్రమానికి భక్తులు పోటెత్తారు.  దీపకాంతులు తేజోమయ పుంజాలై నలుదిశలా వ్యాపించడంతో ఆలయ ప్రాంగణం కాంతులీనింది. మహిళలు పుష్పాలతో అలంకరించిన శివలింగాకారం ఆకట్టుకుంది.