జిన్నా టవర్‌పై జాతీయ జెండాను ఎగురవేయాల్సిందే

జాతీయ కార్మిక సంక్షేమ బోర్డు ఛైర్మన్‌ వల్లూరు

గుంటూరు(జిల్లాపరిషత్తు), న్యూస్‌టుడే: గుంటూరులోని జిన్నా టవర్‌పై జాతీయ జెండాను ఎగురవేసి తీరాల్సిందేనని జాతీయ కార్మిక సంక్షేమ బోర్డు ఛైర్మన్‌ వల్లూరు జయప్రకాష్‌ నారాయణ అన్నారు. గుంటూరులో బుధవారం ఆయన పత్రికలకు ఓ ప్రకటన విడుదల చేశారు. జిన్నా టవర్‌ పేరు మార్చి అబ్దుల్‌ కలాం, హమీద్‌ వంటి నేతల పేర్లు పెట్టాలని కోరారు. దేశ విభజనకు కారణమైన జిన్నా పేరు మీద ఉన్న టవర్‌ని కాపాడేందుకు ప్రభుత్వం ప్రయత్నిస్తుందని విమర్శించారు. జిన్నా టవర్‌పై జాతీయ జెండాను ఎగురవేసే బాధ్యతను భాజపా తీసుకుంటుందన్నారు. జిన్నా టవర్‌ వద్దకు వెళ్లిన భాజపా నాయకులు, హిందూ వాహిని సభ్యులను పోలీసులు అరెస్టు చేయడాన్ని ఖండిస్తున్నామన్నారు. దేశ భద్రత కోసం అమరుడైన జిల్లాకు చెందిన జశ్వంత్‌రెడ్డి జవాన్‌కి శౌర్య చక్ర అవార్డును ఇచ్చి కేంద్ర ప్రభుత్వం గౌరవిస్తే.. రాష్ట్రంలో మాత్రం ఈ దేశానికి ద్రోహం చేసిన వ్యక్తులు, సంస్థలను ప్రభుత్వం ప్రోత్సహిస్తుందని ఆరోపించారు.