‘వైకాపా ప్రభుత్వానికి కనువిప్పు కలగాలి’

అన్న క్యాంటీన్‌ వద్ద అన్నదానం చేస్తున్న తెదేపా నాయకులు

ధర్మవరం, న్యూస్‌టుడే: అన్న క్యాంటీన్లను మూసివేసిన వైకాపా ప్రభుత్వానికి కనువిప్పు కలగాలనే ప్రతి సోమవారం ధర్మవరంలో అన్న క్యాంటీన్‌ వద్ద తెదేపా ఆధ్వర్యంలో అన్నదానం చేస్తున్నామని హిందూపురం పార్లమెంట్‌ అధికార ప్రతినిధి పురుషోత్తంగౌడ్‌, జడ్పీటీసీˆ మాజీ సభ్యుడు రామాంజనేయులు పేర్కొన్నారు. స్థానిక ప్రభుత్వ ఆసుపత్రి కూడలి వద్ద అన్న క్యాంటీన్‌ ఎదుట ప్రజలకు తెదేపా నాయకులు భోజనం వడ్డించారు. కార్యక్రమంలో తెదేపా నాయకులు పరిశే సుధాకర్‌, అంబటి సనత్‌, వెంకటేష్‌బాబు, విజయ్‌చౌదరి, భాస్కర్‌, శ్రీనివాసులు, తదితరులు పాల్గొన్నారు.