అశ్వవాహనంపై ఊరేగిన ఖాద్రీశుడు

అశ్వవాహనాన్ని లాగుతున్న భక్తులు

కదిరి, న్యూస్‌టుడే: దసరా శరన్నవరాత్రుల మహోత్సవాల్లో భాగంగా బుధవారం పట్టణంలో విజయదశమి వేడుకలు ఘనంగా జరిగాయి. ఖాద్రీ లక్ష్మీనరసింహస్వామికి ఉత్సవాల్లో చివరి రోజున శమీవృక్ష పూజలు నిర్వహించారు.  ఉదయం పల్లకీపై ఊరేగుతూ  శమీమండపానికి చేరుకున్నారు. అక్కడ ఆలయ అర్చకులు శమీవృక్షం, ఆయుధ పూజలు చేశారు. అనంతరం శమీమండపంలో శ్రీవారిని కొలువుదీర్చి ప్రత్యేక పూజలు చేశారు. తర్వాత అశ్వవాహనంపై నారసింహుని ఉత్సవ విగ్రహాన్ని అలంకరించి పురవీధుల్లో గ్రామోత్సవంతో భక్తులకు దర్శనమిచ్చారు. సుందరరూపుడైన ఖాద్రీశుని దర్శనం పొందిన పురప్రజలు ఆనందపరవశులయ్యారు.