చట్టం చేస్తేనే ఒకటో తేదీన వేతనం

మాట్లాడుతున్న ప్రభుత్వ ఉద్యోగుల సంఘం జిల్లా అధ్యక్షుడు గోపీకృష్ణ

అనంత సంక్షేమం, న్యూస్‌టుడే: ఉద్యోగులకు ఒకటో తేదీన వేతనం అందాలంటే కచ్చితంగా చట్టం చేయాల్సిన అవసరం ఉందని ఆంధ్రప్రదేశ్‌ ప్రభుత్వ ఉద్యోగుల సంఘం జిల్లా అధ్యక్షుడు గోపీకృష్ణ పేర్కొన్నారు. సోమవారం సాయంత్రం అనంత నగరంలో సదరు ఉద్యోగుల సంఘం ఆధ్వర్యంలో చర్చావేదిక నిర్వహించారు. చట్టపరంగా ఉద్యోగుల బకాయిలు చెల్లించాలన్నారు. రావాల్సిన బకాయిలను నిర్ధిష్టమైన సమయాల్లో ఇవ్వాలని డిమాండు చేశారు. ఉద్యోగుల కష్టాలు, కన్నీళ్లు, పెన్షనర్లు ఎదుర్కొంటున్న సమస్యలపై సమావేశానికి హాజరైనవారు ఏకరువు పెట్టారు. కార్యక్రమంలో సంఘం జిల్లా కార్యదర్శి రాము నాయక్‌, అసోసియేట్‌ ప్రెసిడెంట్‌ రమణ కుమార్‌, ఉపాధ్యక్షురాలు సాంబశివమ్మ, వేణుగోపాల్‌ పాల్గొన్నారు.