అధికార పార్టీకి ఓటుతో బుద్ధి చెబుదాం

మలయనూరులో ప్రజలకు అభివాదం చేస్తున్న అమిలినేని
కుందుర్పి, న్యూస్‌టుడే: అన్ని రంగాల్లో అభివృద్ధిని మరిచిన వైకాపా ప్రభుత్వానికి ఓట్లతో బుద్ధి చెప్పాలని కళ్యాణదుర్గం తెదేపా ఎమ్మెల్యే అభ్యర్థి అమిలినేని సురేంద్రబాబు పిలుపునిచ్చారు. మండలంలోని నాగేపల్లి, కొల్లారట్టి, శీగలపల్లి, మలయనూరు, బండమీదపల్లి, నిజవళ్లి, వెంకటంపల్లి, బొమ్మాజిపల్లి, తమ్మయ్యదొడ్డి గ్రామాల్లో సోమవారం ఎన్నికల ప్రచారం, రోడ్‌షో నిర్వహించారు. ఆయా గ్రామాల్లో ప్రజలు, కార్యకర్తలు పెద్దఎత్తున స్వాగతం పలికారు. గజమాలలతో సురేంద్రబాబును సత్కరించారు. నాగేపల్లి, శీగలపల్లి, మలయనూరు గ్రామాల్లో వైకాపా నుంచి పలు కుటుంబాలు అమిలినేని సమక్షంలో తెదేపాలో చేరారు. కార్యక్రమంలో తెదేపా మండల అధ్యక్షుడు ధనుంజయ, నాయకులు రాజ్‌కుమార్‌, మంజునాథ, గంగాధర్‌, షణ్ముఖ, మడివాళప్ప, తిప్పేస్వామి, నారాయణరెడ్డి కార్యకర్తలు పాల్గొన్నారు.