కాలుపై సమాధానాలు రాసుకొచ్చిన విద్యార్థిని

విద్యార్థిని కాలుపై సమాధానాలు

ఎస్కే యూ, న్యూస్‌టుడే: డిగ్రీ పరీక్షల్లో ఓ విద్యార్థిని కాలు మీద సమాధానాలు రాసుకొని పరీక్ష కేంద్రానికి హాజరైంది. గుర్తించిన ఇన్విజిలేటర్‌ డిబార్‌ చేశారు. అనంతపురం ఎస్‌ఎల్‌ఎన్‌ డిగ్రీ కళాశాలలో ఈ మాస్‌కాపీయింగ్‌ చోటు చేసుకొంది. శ్రీకృష్ణదేవరాయ విశ్వవిద్యాలయం పరిధిలోని డిగ్రీ కళాశాలల్లో జరుగుతున్న యూజీ 2, 6 సెమిస్టర్‌ పరీక్షల్లో మాస్‌ కాపీయింగ్‌కు పాల్పడుతున్న ఇద్దరు విద్యార్థులను డిబార్‌ చేసినట్లు పరీక్షల విభాగం సంచాలకులు ఆచార్య జీవీ రమణ తెలిపారు. అనంతపురం ఎస్‌ఎల్‌ఎన్‌, ఎస్వీ డిగ్రీ కళాశాలల్లో ఒక్కొక్కరు డిబార్‌ అయ్యారు.