వీఆర్‌కు కానిస్టేబుల్‌

పోలీసుల అదుపులో రాళ్లు రువ్విన వైకాపా కార్యకర్త

కళ్యాణదుర్గం గ్రామీణం, న్యూస్‌టుడే: కళ్యాణదుర్గంలో పోస్టల్‌ బ్యాలెట్‌ కేంద్రం వద్ద ఓటర్లను ప్రలోభాలకు గురి చేసి డబ్బులు పంచిన కానిస్టేబుల్‌ శివను పోలీసు అధికారులు వీఆర్‌కు పంపారు. బొమ్మనహాళ్‌ పోలీసు స్టేషన్‌లో పని చేస్తున్న శివ సోమవారం పోస్టల్‌ బ్యాలెట్‌ కేంద్రం వద్ద ఓటరు జాబితాతో తిష్ఠ వేసి ఓటర్లను ప్రలోభాలకు గురి చేసిన విషయం తెలిసిందే. అతణ్ని అడ్డుకున్న తెదేపా శ్రేణులపై వైకాపా మూకలు ఘర్షణకు దిగాయి. అంతటితో ఆగక రాళ్లు రువ్వారు. దీనిపై ఎస్పీ ఆగ్రహం వ్యక్తం చేస్తూ సదరు కానిస్టేబుల్‌ను వీఆర్‌కు పంపారు. ఇక నారాయణపురం గ్రామానికి చెందిన ఓంప్రకాశ్‌ అనే వైకాపా కార్యకర్త రాళ్లు రువ్వడంతో పోలీసులు అతణ్ని అదుపులో తీసుకొని కేసు నమోదు చేశారు.

కౌన్సిలర్‌ కుమారుడిపై కేసు

కళ్యాణదుర్గం గ్రామీణం: కళ్యాణదుర్గం మున్సిపాలిటీ పరిధిలోని 19 వార్డు కౌన్సిలర్‌ కుమారుడు మారుతిపై కేసు నమోదు చేసినట్లు పట్టణ సీఐ హరినాథ్‌బాబు తెలిపారు. సోమవారం ఆ వార్డు పరిధిలోని మాజీ వాలంటీరు నళినితోపాటు ఆమె తల్లి, చెల్లిని దూషిస్తూ దాడి చేశాడన్నారు. బాధితురాలి ఫిర్యాదు మేరకు కేసు నమోదు చేసినట్లు పేర్కొన్నారు.