అనంతపురం అర్బన్‌ డీఎస్పీ బాధ్యతల స్వీకరణ

నూతన డీఎస్పీ టీవీవీ ప్రతాప్‌కుమార్‌

అనంత నేరవార్తలు, న్యూస్‌టుడే: అనంతపురం అర్బన్‌ నూతన డీఎస్పీగా టీవీవీ ప్రతాప్‌కుమార్‌ మంగళవారం బాధ్యతలు స్వీకరించారు. గతంలో ఇక్కడ పనిచేస్తున్న వీరరాఘవరెడ్డి ఎన్నికల కమిషన్‌ బదిలీ వేటు వేసిన విషయం విధితమే. అతని స్థానంలో గుంటూరు ఏసీబీలో పనిచేస్తున్న ప్రతాప్‌కుమార్‌ను ఎన్నికల కమిషన్‌ నియమించింది.  బాధ్యతలు స్వీకరించిన తర్వాత డీఎస్పీ మీడియాతో మాట్లాడుతూ.. ఎన్నికలు ప్రశాంత వాతావరణంలో జరిగేలా చర్యలు తీసుకుంటామన్నారు. ప్రతి ఒక్కరూ స్వేచ్ఛగా ఓటు వేసేందుకు తగిన పరిస్థితులు కల్పిస్తామన్నారు. ఎన్నికల్లో ఎలాంటి అవాంఛనీయ సంఘటనలు చోటు చేసుకోకుండా గట్టి బందోబస్తు చేపడతామన్నారు. నగరంలోని సీఐలు, పలువురు ఎస్సైలు డీఎస్పీని కలిసి పుష్పగుచ్ఛాలతో అభినందనలు తెలిపారు.