శ్రీవారికి గోదాదేవి మాలలు

గోదాదేవి మాలలు తీసుకువస్తున్న జీయ్యంగార్లు, డిప్యూటీ ఈవో తదితరులు

తిరుమల, న్యూస్‌టుడే: శ్రీ వేంకటేశ్వరస్వామికి మహా భక్తురాలైన(ఆండాళ్‌ అమ్మవారు) శ్రీ గోదాదేవి పరిణయోత్సవం పురస్కరించుకుని గోదా మాలలు శ్రీవారి మూలవిరాట్‌కు ఆదివారం అలంకరించారు. తిరుపతి శ్రీ గోవిందరాజస్వామి ఆలయంలోని ఆండాళ్‌ శ్రీ గోదాదేవి చెంత నుంచి ప్రత్యేక మాలలు తిరుమల పెద్దజీయర్‌స్వామి మఠానికి ఆదివారం ఉదయం చేరుకున్నాయి. అక్కడి నుంచి ఊరేగింపుగా శ్రీవారి ఆలయానికి తీసుకొచ్చారు. కార్యక్రమంలో శ్రీ పెద్దజీయర్‌స్వామి, శ్రీ చిన్నజీయర్‌ స్వామి, ఆలయ డిప్యూటీ ఈవో రమేష్‌బాబు, పేష్కార్‌ శ్రీహరి, గోవిందరాజస్వామి ఆలయ ప్రత్యేక శ్రేణి డిప్యూటీ ఈవో రాజేంద్రుడు, వీజీవో బాలిరెడ్డి ఇతర అధికారులు పాల్గొన్నారు.