‘జనసేనకు ప్రజల ఆదరణ’

యర్రంశెట్టివారిపాలెంలో మాట్లాడుతున్న కందుల దుర్గేష్‌

పి.గన్నవరం, న్యూస్‌టుడే: జనసేన పార్టీకి రానున్న రోజుల్లో ప్రజల నుంచి మంచి ఆదరణ లభిస్తుందని ఆ పార్టీ ఉమ్మడి తూ.గో.జిల్లా అధ్యక్షుడు కందుల దుర్గేష్‌ ఆశాభావం వ్యక్తం చేశారు. పి.గన్నవరం మండలంలోని యర్రంశెట్టివారిపాలెంలో గురువారం వీరభద్రస్వామి వారి ఆలయంలో ప్రత్యేకపూజలు చేశారు.ఈ సందర్భంగా ఆయన మాట్లాడుతూ ఈ నెల 10 నుంచి పార్టీ క్రియాశీలక సభ్యత్వాల నమోదు ప్రక్రియ చేపట్టనున్నట్లు వెల్లడించారు. ప్రజలు జనసేనకు మద్దతు పలుకుతున్నారన్నారు.అమలాపురం పార్లమెంట్‌ ఇన్‌ఛార్జి డీఎంఆర్‌ శేఖర్‌, జిల్లా ఉపాధ్యక్షుడు శిరిగినీడి వెంకటేశ్వరరావు, నాయకులు పితాని బాలకృష్ణ, సాధనాల శ్రీనివాసరావు, యల్లమిల్లి కృష్ణవేణి  పాల్గొన్నారు.