పిఠాపురం అసెంబ్లీ ఎన్నికల బరిలో 13 మంది

పిఠాపురం, న్యూస్‌టుడే: పిఠాపురం అసెంబ్లీ స్థానానికి ఎన్నికల బరిలో 13 మంది నిలిచారు. ఆ వివరాలను ఆర్వో రామసుందర్‌రెడ్డి వెల్లడించారు. మొత్తం 23 మంది నామినేషన్లు దాఖలు చేయగా.. పరిశీలనలో ఒకటి తొలగిపోయింది. 9 మంది నామినేషన్లు ఉపసంహరించుకున్నారు. ప్రస్తుతం బరిలో ఉన్న అభ్యర్థుల వివరాలు బ్యాలెట్‌లో ఉన్న మేరకు వరుసగా చూస్తే.. బుల్లి రాజు పత్తిపాటి, బీఎస్పీ పార్టీ (ఏనుగు), మాదేపల్లి సత్యానందరావు, కాంగ్రెస్‌ (హస్తం), వంగా గీత విశ్వనాథ్‌, వైకాపా (సీలింగ్‌ ఫ్యాను), కొణిదెల పవన్‌ కల్యాణ్‌, జనసేన పార్టీ (గాజు గ్లాసు), జగ్గారాపు మల్లిఖార్జున రావు, జైభీమ్‌ రావు భారత్‌ పార్టీ (కోటు), తమన్నా సింహాద్రి, భారత చైతన్య యువజన పార్టీ (గన్నా కిసాన్‌), పెద్దింశెట్టి వెంకటేశ్వరరావు, తెలుగు జనతా పార్టీ (మైక్‌), మద్దూరి వీరబాబు, పిరమిడ్‌ పార్టీ ఆఫ్‌ ఇండియా (ప్లూట్‌), స్వతంత్ర అభ్యర్థులు ఈటీ జగదీష్‌ (బ్యాటరీ టార్చి), ఏడిద భాస్కరరావు (టెలివిజన్‌), గౌరీమణి బొలిశెట్టి (లెటర్‌ బాక్స్‌), నాగం సూరిబాబు (డిష్‌ యాంటెన్న), సాయి సూర్య నిఖిల్‌ వేగిశెట్టి (బెలూన్‌) గుర్తులు కేటాయించినట్లు ఆర్వో తెలిపారు. దీంతో వీరంతా తమ గుర్తులతో ఎన్నికల ప్రచారం ముమ్మరం చేశారు.