నేటి నుంచి ఇంటర్‌ మూల్యాంకనం

గుంటూరు విద్య, న్యూస్‌టుడే: ఇంటర్మీడియట్‌ ద్వితీయ ఏడాది ప్రధాన పరీక్షలు గురువారంతో పూర్తయ్యాయి. మొదటి సంవత్సరం విద్యార్థులకు ఈనెల 11న జరగాల్సిన పరీక్ష తుపానుతో వాయిదా పడిన నేపధ్యంలో 25వ తేదీ జరగనుంది. బ్రిడ్జి కోర్సుల విద్యార్థులకు ఈనెల 24వ తేదీ వరకు పరీక్షలు జరగనున్నాయి. శుక్రవారం నుంచి పరీక్ష జవాబుపత్రాల మూల్యాంకనం ప్రారంభమౌతుందని ఆర్‌ఐవో బి.ఉమాదేవి పేర్కొన్నారు. గుంటూరు ప్రభుత్వ జూనియర్‌ కళాశాలలో మూల్యాంకనానికి సంబంధించి ఏర్పాట్లు పూర్తి చేసినట్లు చెప్పారు.

* ఏపీ ఓపెన్‌ స్కూల్స్‌ సొసైటీ దూరవిద్య ఇంటర్మీడియట్‌ పరీక్షలు గురువారం ముగిశాయని జిల్లా సమన్వయకర్త కె.రవికుమార్‌ తెలిపారు. గురువారం పరీక్షకు మొత్తం 4700 మంది విద్యార్థులకుగాను 4254 మంది హాజరైనట్లు వెల్లడించారు.