లబ్ధిదారుల ఎంపిక.. కార్యాలయం కిటకిట

లాటరీ పద్ధతిలో అర్హుల గుర్తింపు

దరఖాస్తు దారులతో రద్దీగా మున్సిపల్‌ ప్రాంగణం

తాండూరు టౌన్‌, న్యూస్‌టుడే: రాష్ట్ర మైనార్టీ కార్పొరేషన్‌ ద్వారా ప్రభుత్వం అందజేయనున్న రుణాల కోసం తాండూరులో నిర్వహించిన మేళాకు దరఖాస్తు దారులు భారీగా తరలి వచ్చారు. మెప్మా ఆధ్వర్యంలో పురపాలక సంఘం కార్యాలయం ఆవరణలో ఈ కార్యక్రమం మంగళవారం నిర్వహించారు. ఎలాంటి అవాంఛనీయ సంఘటనలు చోటుచేసుకోకుండా పోలీసు బందోబస్తు నిర్వహించారు. అధ్యక్షురాలు స్వప్న చేతుల మీదుగా లబ్ధిదారులను ప్రకటించారు. మొత్తం 1194 మంది గతంలో అంతర్జాలం ద్వారా రుణాల కోసం దరఖాస్తు చేసుకున్నారు. 1154 మందిని మాత్రమే లాటరీ పద్ధతికి అర్హులుగా గుర్తించారు. వాళ్లలో కేవలం 50 మందిని మాత్రమే ఎంపిక చేశారు. మహిళలకు 33 శాతం రిజర్వేషన్‌ చొప్పున 16 మందికి అవకాశం కల్పించారు.
ః రూ.లక్ష రుణాలకు 36 మంది, దివ్యాంగులతో కలిపి 14 మందిని రూ.2లక్షల రుణాలకు అర్హులుగా గుర్తించారు. ప్రక్రియ పూర్తయ్యే దాకా కార్యాలయం ఆవరణ దరఖాస్తుదారులతో కిటికిట లాడింది. కార్యక్రమంలో మెప్మా అధికారులు రవి కుమార్‌, పురపాలక సంఘం మేనేజరు నరేందర్‌రెడ్డి, కౌన్సిలర్లు పట్లోళ్ల నీరజ, మైనార్టీ నాయకులు తదితరులు పాల్గొన్నారు.