ప్రభుత్వ జనరల్‌ ఆసుపత్రికి మూడు ఏసీలు

కరీంనగర్‌ సంక్షేమ విభాగం, న్యూస్‌టుడే: కరీంనగర్‌ మాతా, శిశు ఆసుపత్రిలో రూ.1.50 లక్షల విలువ చేసే మూడు ఏసీలను ఏర్పాటు చేశారు. కరీంనగర్‌ జిల్లా ప్రభుత్వ జనరల్‌ ఆసుపత్రిలో రోగుల ఇబ్బందులపై ఏప్రిల్‌ 20న ‘ఉక్కపోతతో తల్లీ బిడ్డల ఉక్కిరిబిక్కిరి’, ఏప్రిల్‌ 30న ‘ఐసీయూలో పనిచేయని ఏసీలు’ శీర్షికలతో కథనాలు ప్రచురితమయ్యాయి. ఆసుపత్రికి అవసరమైన కూలర్లు, ఏసీల వివరాలు సమర్పించాలని ఆసుపత్రి సూపరింటెండెంట్‌ వీరారెడ్డిని కలెక్టర్‌ ఆదేశించారు. వైద్యాధికారుల నివేదిక మేరకు కలెక్టర్‌ ఏసీలు మంజూరు చేశారు. ఐసీయూలో ఉన్న ఆరు ఏసీల మరమ్మతుకు రూ.50 వేలు చెల్లించారు.