సంబరాలకు రాజఠీవి!
చందనవనంలో విరాజిల్లే రాచనగరి మైసూరు కొత్త కాంతులీనింది. గజరాజుల ఘీంకారాల మధ్య బంగారు అంబారీలో చాముండీమాత ఊరేగి వస్తుంటే.. భక్తులు, పర్యాటకులు జయనాదాలతో వీధులను హోరెత్తించారు.
మైసూరు వీధుల్లో చాముండీ మాతను బంగారు అంబారీపై ఊరేగిస్తున్న వేళ.. కదలివచ్చిన అశేష జనవాహిని
మైసూరు, న్యూస్టుడే : చందనవనంలో విరాజిల్లే రాచనగరి మైసూరు కొత్త కాంతులీనింది. గజరాజుల ఘీంకారాల మధ్య బంగారు అంబారీలో చాముండీమాత ఊరేగి వస్తుంటే.. భక్తులు, పర్యాటకులు జయనాదాలతో వీధులను హోరెత్తించారు. రాచనగరి మొదలు.. బన్ని మండపం వరకు ఇసుకేస్తే నేలరాలనంతగా గుమికూడిన జనులకు ఇది కనుల పండుగే! విఖ్యాత దసరా ఉత్సవాలు విజయవంతంగా పూర్తికావడంతో రాష్ట్ర సర్కారు ఊపిరి పీల్చుకుంది. కరోనా మహమ్మారితో రెండేళ్లుగా నామమాత్రంగా నిర్వహించిన ఈ వేడుకలకు ఈ ఏడాది దేశ, విదేశాల నుంచి పర్యాటకులు పెద్ద సంఖ్యలో కదలి వచ్చారు. రాచనగరికి మొదటిసారి వచ్చిన పర్యాటకులు ఇక్కడి భవంతులు, ఆలయాలు, సంస్కృతి-సంప్రదాయాలను చూసి ముచ్చటపడ్డారు. దసరా ఉత్సవాల కోసం ఏర్పాటు చేసిన విద్యుత్తు దీపాల అలంకరణను ఈ వారాంతం వరకు కొనసాగించానున్నారు. జంబూసవారీలో పాల్గొన్న ఏనుగులు ప్యాలెస్ వెనుక ఆవరణలో విశ్రాంతి తీసుకున్నాయి. వాటికి స్నానాలు చేయించడాన్ని పర్యాటకులు వీక్షించారు. దసరా వస్తు ప్రదర్శన కేంద్రంలో గురువారం రద్దీ కనిపించింది. కొందరు పర్యాటకులు ఏనుగుల వద్దకు వెళ్లి ఫొటోలు దిగారు. ప్యాలెస్లో సందర్శకుల సంఖ్య ఎక్కువగా కనిపించింది. ఎటువంటి అవాంఛనీయ ఘటనలకు తావివ్వకుండా పోలీసులు, జిల్లా యంత్రాంగం తీసుకున్న చర్యలు సత్ఫలితాన్ని ఇచ్చింది.
అంగారు అంబారీలో ఊరేగుతున్న చాముండీ మాతకు నమస్కరిస్తున్న ముఖ్యమంత్రి బసవరాజ బొమ్మై
కాగడా, బాణసంచా ప్రదర్శనల వీక్షణకు కదలివచ్చిన జనం
నృత్యావళితో.. పునీత్రాజ్కుమార్కు ఘన నివాళి
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్