డివిజన్‌ సమస్యలపై కలెక్టర్‌ సమీక్ష

ఆదోని మార్కెట్ : ఆదోని పురపాలక కౌన్సిల్ హాలులో మంగళవారం జిల్లా కలెక్టర్‌ కోటేశ్వరరావు అధ్యక్షతన డివిజనల్‌ స్థాయి సమావేశం జరిగింది. ఈ సమావేశంలో రెవెన్యూ అంశాలతోపాటు, జగనన్న ఇళ్ల నిర్మాణాలపై సమీక్షించారు. ఓటీఎస్‌ పథకం కింద లబ్ధిదారులకు రిజిస్ట్రేషన్‌ పత్రాలు అందజేసి, ప్రక్రియ పూర్తి చేయాలని ఆదేశించారు. పాఠశాలలో జరిగే నాడు-నేడు పనులను వేగవంతం చేయాలని చెప్పారు. అనంతరం శాఖలవారీగా సమీక్ష చేశారు. సమావేశంలో జాయింట్ కలెక్టర్‌ రామసుందర్‌రెడ్డి, ఆర్డీవో రామకృష్ణారెడ్డి, వివిధ శాఖల ఉన్నతాధికారులు పాల్గొన్నారు.