సమర్థంగా విధులు నిర్వహించండి

మంత్రి బుగ్గనను సన్మానిస్తున్న అధికారులు

కర్నూలు నగరం (జడ్పీ), బేతంచెర్ల, న్యూస్‌టుడే : ప్రభుత్వ ఆశయాలకు అనుగుణంగా సమర్థంగా విధులు నిర్వహించాలని రాష్ట్ర ఆర్థిక, ప్రణాళిక శాఖ మంత్రి బుగ్గన రాజేంద్రనాథ్‌రెడ్డి కోరారు. పదోన్నతులు పొందిన ఎంపీడీవోలు బేతంచెర్లలోని మంత్రి నివాసంలో ఆదివారం కలిసి కృతజ్ఞతలు తెలిపారు. మంత్రి మాట్లాడుతూ పెండింగ్‌లో ఉన్న పదోన్నతుల అంశంపై ముఖ్యమంత్రి ప్రత్యేక శ్రద్ధ చూపి నిర్ణయం తీసుకున్నారని, ఈమేరకు గ్రామీణాభివృద్ధికి మేలు జరిగేలా పనిచేయాలని కోరారు. మంత్రిని కలిసినవారిలో జడ్పీ ఉప సీఈవో భాస్కర నాయుడు, డీపీవో నాగరాజనాయుడు, డ్వామా పీడీ అమరనాథరెడ్డి తదితరులు ఉన్నారు.