నాణ్యమైన సెల్‌ఫోన్లు అందించాలని ధర్నా

ఆదోని మార్కెట్‌: నాణ్యమైన సెల్‌ ఫోన్లు, ట్యాబ్‌లు అందించాలని ఆదోని సీడీపీవో కార్యాలయం ఎదుట అంగన్‌వాడీ కార్యకర్తలు బుధవారం ధర్నా నిర్వహించారు. ఈ సందర్భంగా వారు మాట్లాడుతూ.. నాణ్యమైన పరికరాలు ఇవ్వకపోవడంతో మరమ్మతులకు గురవతున్నాయన్నారు. దీంతో సొంతంగా డబ్బులు వెచ్చించి మరమ్మతులు చేయించినా ఫలితం ఉండటం లేదని తెలిపారు. రోజువారీ విధుల్లో సాంకేతిక సమస్యలతో పని జరగక మానసిక వేదనకు గురవుతున్నట్లు వివరించారు. దీంతో పాటు పెరిగిన ధరలకనుగుణంగా బిల్లులు చెల్లించాలని డిమాండ్‌ చేశారు. అనంతరం కార్యాలయ సూపర్‌వైజర్‌ సునీతకు వినతి పత్రం సమర్పించారు. కార్యక్రమంలో అంగన్‌వాడీ కార్యకర్తలు సోమక్క, రిజ్వానా, భువనేశ్వరి, విజయలక్ష్మి తదితరులు పాల్గొన్నారు.