ఉపాధ్యాయుల ఆందోళన

డీఈవో కార్యాలయం ఎదుట బైఠాయించిన ఉపాధ్యాయులు

కర్నూలు బి.క్యాంపు, న్యూస్‌టుడే: ఉపాధ్యాయుల సర్దుబాటు నిలిపివేయాలని ఏపీ యూటీఎఫ్‌ యూటీఎఫ్‌ రాష్ట్ర సహాధ్యక్షుడు సురేష్‌కుమార్‌, జిల్లా కార్యదర్శి జయరాజు రాష్ట్ర ప్రభుత్వాన్ని డిమాండ్‌ చేశారు. ఉపాధ్యాయుల బదిలీలు, పదోన్నతులు వెంటనే చేపట్టాలని రాష్ట్ర యూటీఎఫ్‌ పిలుపు మేరకు సోమవారం జిల్లా కమిటీ ఆధ్వర్యంలో డీఈవో కార్యాలయం ఎదుట ఆందోళన చేపట్టారు. పదోన్నతి పొందిన ఉపాధ్యాయులకు తక్షణమే స్థానాలు కల్పించాలని కోరారు. పెండింగ్‌లో ఉన్న ఉపాధ్యాయుల బకాయిలను తక్షణమే విడుదల చేయాలని, లేకపోతే పోరాటం ఉద్ధృతం చేస్తామన్నారు..