కూటమి అభ్యర్థుల విజయానికి కృషి చేయండి

మాట్లాడుతున్న ఎంపీ అభ్యర్థి బైరెడ్డి శబరి
నంద్యాల పాతపట్టణం, న్యూస్‌టుడే : తెదేపా, జనసేన, భాజపా నాయకులు, కార్యకర్తలు కూటమి అభ్యర్థుల విజయం కోసం సమష్టిగా కృషిచేయాలని నంద్యాల తెదేపా ఎంపీ అభ్యర్థి బైరెడ్డి శబరి కోరారు. నంద్యాల పట్టణంలోని 4వ వార్డుకు చెందిన 300 కుటుంబాల వారు మంగళవారం వైకాపాను వీడి జనసేన పార్టీలో చేరారు. ఈ సందర్భంగా జనసేన సమన్వయకర్త పిడతల సుధాకర్‌, నాయకులు శ్రావణ్‌, పబ్బతి రవి ఆధ్వర్యంలో ఏర్పాటు చేసిన సమావేశంలో తెదేపా ఎంపీ అభ్యర్థి బైరెడ్డి శబరి, జిల్లా ప్రధాన కార్యదర్శి ఎన్‌ఎండీ ఫిరోజ్‌ వారికి జనసేన కండువాలు కప్పి పార్టీలోకి ఆహ్వానించారు. కార్యక్రమంలో తెదేపా రాష్ట్ర కార్యదర్శి తాతిరెడ్డి తులసిరెడ్డి, నాయకులు సందీప్‌, సురేశ్‌, మణిదీప్‌ పాల్గొన్నారు.