5వ తేదీన నీట్‌

కర్నూలు విద్య, న్యూస్‌టుడే : వైద్య కళాశాలల్లో ప్రవేశాలకుగాను 5వ తేదీన ఎన్‌టీఏ ఆధ్వర్యంలో ‘నీట్‌’ నిర్వహించనున్నారు. కర్నూలు జిల్లా కేంద్రంలోని ది అథీనా స్కూల్‌, మాంటిస్సోరి ఇండస్‌ పాఠశాల, సంతోష్‌ నగర్‌లోని శ్రీలక్ష్మి ఉన్నత పాఠశాల, సుంకేసుల రోడ్డులోని ఎస్‌టీ జోసెఫ్‌ డిగ్రీ కళాశాల, రైల్వే స్టేషన్‌ వద్దనున్న కేవీఆర్‌ మహిళా డిగ్రీ కళాశాల, ఎ.క్యాంపులోని మాంటిస్సోరి పాఠశాల, మదర్‌ థెరిస్సా ఫార్మశీ కళాశాలలను పరీక్ష కేంద్రాలుగా ఎంపిక చేశారు. మధ్యాహ్నం 2 గంటల నుంచి సాయంత్రం 5.20 గంటల వరకు పరీక్ష జరుగుతుందిన పరీక్షా కేంద్రానికి రెండు గంటల ముందే అభ్యర్థులు చేరుకోవాల్సి వస్తుంది. ఎండలు తీవ్రంగా ఉన్న నేపథ్యంలో తగిన జాగ్రత్తలు పాటించాలని నిపుణులు పేర్కొంటున్నారు. కర్నూలు జిల్లా పరిధిలో సుమారు 8 వేల మంది విద్యార్థులు నీట్‌ రాసేందుకు సిద్ధంగా ఉన్నట్లు సమాచారం.