‘5న జాతీయ నాయకులతో కాంగ్రెస్‌ సభ’

ఎర్రవల్లిలో ముఖ్యమంత్రి సభకు స్థలాన్ని పరిశీలిస్తున్న ఏఐసీసీ కార్యదర్శి సంపత్‌కుమార్‌
ఇటిక్యాల, న్యూస్‌టుడే: లోక్‌సభ ఎన్నికల్లో భాగంగా మే 5వ తేదీన జాతీయ నాయకులైన రాహుల్‌ గాంధీ, ప్రియాంక గాంధీలలో ఒకరితో, ముఖ్యమంత్రి రేవంత్‌రెడ్డితో ఎర్రవల్లిలో బహిరంగ సభ నిర్వహించతలపెట్టినట్లు ఏఐసీసీ కార్యదర్శి, అలంపూర్‌ మాజీ శాసన సభ్యులు సంపత్‌కుమార్‌ తెలిపారు. అందులో భాగంగా మంగళవారం స్థానిక నాయకులతో కలిసి సభా ప్రాంగణం, పార్కింగ్‌ స్థలాలను పరిశీలించారు. ఈ సందర్భంగా ఆయన మాట్లాడుతూ ఎన్నికల సందర్భంగా కాంగ్రెస్‌ పార్టీ నాగర్‌కర్నూల్‌ అభ్యర్థి మల్లు రవి ఎన్నికల ప్రచారం కొనసాగుతుందన్నారు. యూత్‌ కాంగ్రెస్‌ తాలుకా అధ్యక్షులు జోగుల రవి, పీఏసీఎస్‌ మాజీ అధ్యక్షులు మాణిక్యారెడ్డి, మండల అధ్యక్షులు వెంకటేష్‌, మద్దిలేటి తదితరులు పాల్గొన్నారు.