నాగర్‌కర్నూల్‌ భారాస ఎంపీ అభ్యర్థిని గెలిపించుకుందాం

రాజోలి: త్వరలో జరగనున్న లోక్‌సభ ఎన్నికల్లో భారాస నాగర్ కర్నూల్ ఎంపీ అభ్యర్థి ఆర్ఎస్ ప్రవీణ్ కుమార్‌ను గెలిపించుకుందామని అలంపూర్ ఎమ్మెల్యే విజయడు అన్నారు. ఆయన బుధవారంఇటిక్యాల మండల కేంద్రంలో ఎన్నికల ప్రచారం నిర్వహించారు. ఇంటింటికి వెళ్లి గత ప్రభుత్వం అమలు చేసిన సంక్షేమ పథకాల గురించి ఓటర్లకు వివరించారు.  తెలంగాణ రాష్ట్రంలోని అన్ని వర్గాల ప్రజలకు ఎలాంటి మధ్యవర్తి లేకుండా నేరుగా సంక్షేమ పథకాలను అందించిన ఘనత కేసీఆర్‌కే దక్కుతుందన్నారు. ఆయన వెంట  ఆలయాల మాజీ  ఛైర్మన్ బాలకృష్ణ రెడ్డి, జడ్పీటీసీ  హనుమంత్ రెడ్డి, సింగిల్ విండో అధ్యక్షుడు రంగారెడ్డి, మాజీ సర్పంచ్ రవిరెడ్డి తదితరులు ఉన్నారు.