సరకుల అక్రమ తరలింపు.. ఇద్దరి తొలగింపు

హుస్నాబాద్‌: హుస్నాబాద్‌ మండలం జిల్లెల్లగడ్డ గిరిజన సంక్షేమ గురుకుల విద్యాలయం నుంచి బియ్యం, పప్పులు ఇతర సామగ్రి అక్రమ తరలింపు వ్యవహారంపై ఇన్‌ఛార్జి ప్రిన్సిపల్‌ 27న పోలీసుస్టేషన్‌లో ఫిర్యాదు చేశారని విద్యాలయాల ప్రాంతీయ సమన్వయకర్త డీఎస్‌ వెంకన్న మంగళవారం తెలిపారు. ఇద్దరు వంట కార్మికులను తొలగించామని.. వారిపై కేసు నమోదు చేయాలని ఫిర్యాదు చేశామన్నారు.న్యాయ సలహా మేరకు కేసు నమోదు చేస్తామని ఎస్‌ఐ తోట మహేశ్‌ చెప్పారు. క్రిమినల్‌ కేసులు నమోదు చేయాలని యూఎస్‌ఎఫ్‌ఎఫ్‌ రాష్ట్ర ఉపాధ్యక్షుడు మాలోతు రాజేశ్‌ డిమాండ్‌ చేశారు.