సమన్వయంతో పని చేయండి

కాంగ్రెస్‌ రాష్ట్ర వ్యవహారాల ఇన్‌ఛార్జి దీపాదాస్‌మున్షీ

 పటాన్‌చెరు: ఎన్నికలు సమీపిస్తున్న నేపథ్యంలో భేషజాలకు పోకుండా ముఖ్యులు సమన్వయంతో పని చేయాలని కాంగ్రెస్‌ రాష్ట్ర వ్యవహారాల ఇంఛార్జి దీపాదాస్‌మున్షీ అన్నారు. మంగళవారం పటాన్‌చెరు మండలం చిట్కుల్‌ గ్రామంలో మెదక్‌ అభ్యర్థి నీలం మధు కార్యాలయంలో పార్లమెంటు నియోజకవర్గ ముఖ్యనాయకులతో సమావేశమయ్యారు. ఆమె మాట్లాడుతూ.. చివరి 10 రోజులు కష్టపడిన వారికి పార్టీ గుర్తింపు ఇస్తుందని వివరించారు. కార్యక్రమంలో ఏఐసీసీ కార్యదర్శి, పార్లమెంటు ఇంఛార్జి విశ్వనాథ్‌, పటాన్‌చెరు, గజ్వేల్‌, దుబ్బాక, నర్సాపూర్‌, సిద్దిపేట నియోజకవర్గాల ఇంఛార్జులు కాటా శ్రీనివాస్‌గౌడ్‌, తూంకుంట నర్సిరెడ్డి, చెరుకు శ్రీనివాస్‌రెడ్డి, ఆవుల రాజిరెడ్డి, పూజల హరికృష్ణ, నాయకులు పాల్గొన్నారు.