అభివృద్ధి కోసం కాంగ్రెస్ అభ్యర్థిని గెలిపించాలి: ఎమ్మెల్యే

భువనగిరి: పార్లమెంట్ ఎన్నికల ప్రచారంలో భాగంగా భువనగిరి పట్టణంలోని కిసాన్ నగర్, విద్యానగర్, బంజారహిల్స్, తారకరామ నగర్, పహాడినగర్‌లో కాంగ్రెస్‌ ప్రచారం చేసింది. కాంగ్రెస్‌ ఎంపీ అభ్యర్థి చామల కిరణ్ కుమార్ రెడ్డిని గెలిపించాలని ఎమ్మెల్యే కుంభం అనిల్ కుమార్ రెడ్డి కోరారు. ఇంటింటికి తిరిగి కాంగ్రెస్ అభ్యర్థి చామల కిరణ్ కుమార్ రెడ్డి గెలిపించాలని కోరారు. అభివృద్ధి సంక్షేమ పథకాలు కొనసాగాలంటే కాంగ్రెస్‌కు ఓటేయాలి అన్నారు. భాజపా, భారాస నాయకుల మాయమాటలను నమ్మి మోసపోవద్దని కోరారు. కాంగ్రెస్ నాయకులు పోట్నక్ ప్రమోద్ కుమార్, నాయకులు గంగ, అవేజ్ చిస్తీ, తదితరులు పాల్గొన్నారు.