తెదేపాలో చేరిన వాలంటీర్‌తోపాటు వైకాపా నేతలు

కావలి: పట్టణంలోని 38వ వార్డు, వైకుంఠపురానికి చెందిన వాలంటీర్, పలువురు వైకాపా నేతలు తెదేపాలో చేరారు. శనివారం కావలి తెదేపా కార్యాలయంలో  38వ వార్డు నాయకులు బెజవాడ రవీంద్ర , బెజవాడ ప్రసన్న కుమార్, వల్లెపు కిషోర్ ఆధ్వర్యంలో జరిగిన కార్యక్రమంలో వాలంటీర్ పల్లపు జయశ్రీ, పల్లపు ప్రభాకర్, పల్లపు శివకృష్ణ, పల్లపు సరిత, తన్నీరు మాల్యాద్రి, తన్నీరు కోటేశ్వరమ్మ, కుంచల ప్రవళిక, మల్లి కోటేశ్వరి తదితరులు  తెలుగుదేశం పార్టీలో చేరారు. కావలి ఎమ్మెల్యే అభ్యర్థి కావ్య క్రిష్ణారెడ్డి వారికి కండువాలు కప్పి తెదేపాలోకి ఆహ్వానించారు. పార్టీలో సముచిత స్థానం కల్పిస్తామని వారికి హామీ ఇచ్చారు. వరుస చేరికలతో కావలి నియోజకవర్గంలో తెదేపా భారీ మెజారిటీతో గెలవడం ఖాయమని దీమా వ్యక్తం చేశారు. ఈ కార్యక్రమంలో వార్డు నాయకులు ఇంటూరి భాస్కర్ రావు తదితరులు పాల్గొన్నారు.