‘ప్రభుత్వరంగ సంస్థలను ప్రైవేటీకరించొద్దు’

బాన్సువాడలో కళాకారులతో కోలాటం ఆడుతున్న సభాపతి పోచారం

బాన్సువాడ, న్యూస్‌టుడే: ప్రభుత్వ రంగ సంస్థలైన రైల్వే, ఎల్‌ఐసీ, విద్యుత్తు తదితర విభాగాలను ప్రైవేటీకరణ చేయాలనే కేంద్రం ఆలోచన దారుణమని సభాపతి పోచారం శ్రీనివాస్‌రెడ్డి పేర్కొన్నారు. స్వతంత్ర వజ్రోత్సవాల సందర్భంగా ఆదివారం బాన్సువాడలో జానపద కళాకారుల ప్రదర్శన కార్యక్రమానికి హాజరై మాట్లాడారు. ఉత్తమ ప్రతిభ చాటిన వారిని సన్మానించారు. కళాకారుల ఆట, పాటలు అందరినీ అలరించాయి. ఆర్డీవో రాజాగౌడ్‌, డీఎస్పీ జైపాల్‌రెడ్డి, సీఐ రాజశేఖర్‌రెడ్డి, తహసీల్దార్‌ గంగాధర్‌, పురపాలక కమిషనర్‌ రమేష్‌కుమార్‌, రైసస జిల్లా సమన్వయకర్త అంజిరెడ్డి, బల్దియా ఛైర్మన్‌ గంగాధర్‌, వైస్‌ ఛైర్మన్‌ జుబేర్‌, సొసైటీ అధ్యక్షులు కృష్ణారెడ్డి, నాయకులు ఎజాజ్‌, గురువినయ్‌, గోపాల్‌రెడ్డి, బాబా, జ్యోతి, రమాదేవి, రుక్మిణి, అనిత, ప్రతిమారెడ్డి తదితరులు పాల్గొన్నారు.