అందుబాటులో ఉంటూ ప్రజలకు సేవ చేస్తున్నా : ఎమ్మెల్యే

లింగంపేట : మండల కేంద్రలోని రైతు వేదికలో బుధవారం సీఎంఆర్‌ఎఫ్‌ చెక్కులను ఎమ్మెల్యే సురేందర్‌ పంపిణీ చేశారు. ఈ సందర్భంగా ఆయన మాట్లాడుతూ ఆపదలో ఉన్న నియోజకవర్గ ప్రజలకు ఎల్లప్పుడూ అందుబాటులో ఉంటున్నానని, అత్యవసర వైద్యం కోసం హైదరాబాద్‌కు వెళ్లే బాధితులకు దగ్గరుండి వైద్యం చేయిస్తున్నట్లు ఆయన తెలిపారు. ఇచ్చిన హామీ మేరకు ప్రజలకు అందుబాటులో ఉంటూ సేవ చేస్తున్నానని పేర్కొన్నారు. కామారెడ్డి జిల్లాలోఅత్యధికంగా సీఎం సహాయనిధి చెక్కులు ఎల్లారెడ్డి నియోజకవర్గానికి వచ్చాయని తెలిపారు. గత 20 ఏళ్లలో జరగని అభివృద్ధిని నాలుగేళ్లలో చేసి చూపించామన్నారు. లింగంపేటలో సెంటర్‌ లైటింగ్‌ ఏర్పాటుకు కృషి చేస్తానని చెప్పారు. కార్యక్రమంలో ఎంపీపీ గరీబున్నీసా బేగం, సర్పంచ్‌ లావణ్య, వైస్‌ ఎంపీపీ విఠల్‌రెడ్డి, ఎంపీటీసీ సభ్యురాలు షముమున్నీసాబేగం తదితరులు పాల్గొన్నారు.