మొగి పురుగు... రైతుల్లో గుబులు

దోమకొండలో ఎండుతున్న వరి పైరు

వరి సాగు రైతుల్లో మొగి పురుగు గుబులు పుట్టిస్తోంది. నారు మొదలుకుని పైరు వరకు నాశనం చేస్తోంది. దోమకొండ, సంగమేశ్వర్‌, గొట్టిముక్కుల, అంచనూరు, అంబారిపేట గ్రామాల్లో దీని ప్రభావం ఎక్కువగా కనిపిస్తోంది. రైతులకు ఏం చేయాలో పాలుపోవడం లేదు. పైరు కుదుళ్ల చేరిన పురుగు పంటను ఎదగనీయకుండా చేస్తోంది. చలి తీవ్రత, వాతావరణ పరిస్థితుల కారణంగానే సోకుతోందని వ్యవసాయాధికారులు చెబుతున్నారు. వరి క్షేత్రాలన్నింటికి ఒకేసారి నివారణ చర్యలు చేపడితే బాగుంటుందని దోమకొండ ఏవో పవన్‌కుమార్‌ తెలిపారు. క్లోరాంతోప్రోనీల్‌తో పాటు లంబ్డాసిహలొత్రిన్‌ 100 మి.లీ. ద్రావణం ఎకరా పొలానికి పిచికారీ చేయాలని సూచించారు.

న్యూస్‌టుడే, దోమకొండ