దేశాభివృద్ధి చెందాలంటే భాజపాకి పట్టం కట్టాలి

నాగిరెడ్డిపేట: మండలంలోని రాఘవపల్లి గ్రామంలో మండల పార్టీ అధ్యక్షుడు సత్య బోయిన శ్రీకాంత్ ఆధ్వర్యంలో గురువారం ఎన్నికల ప్రచారం నిర్వహించారు.  భాజపా ఎంపీ అభ్యర్థి బీబీ పాటిల్ గెలుపు కోసం గ్రామంలో  గడప గడపకు తిరుగుతూ ఓటర్లను ఓటు అభ్యర్థించారు. ఈ సందర్భంగా భాజపా అమలు చేసిన సంక్షేమ పథకాల గురించి ప్రజలకు వివరించారు. భారతదేశం అభివృద్ధిపథంలో దూసుకెళ్తోందని, మరింత అభివృద్ధి చెందాలంటే భాజపాకు పట్టం కట్టాలని  సూచించారు. ఈ కార్యక్రమంలో నాగిరెడ్డిపేట బీజేవైఎం మండల అధ్యక్షుడు రాజా గౌడ్,  కార్యదర్శి మల్లేష్,  నాయకులు, కార్యకర్తలు పాల్గొన్నారు.