ప్రేరణ శిక్షణ శిబిరానికి ఇద్దరు విద్యార్థుల ఎంపిక

కామారెడ్డి పట్టణం: గుజరాత్‌లోని వాద్‌నగర్‌లో జరిగే జాతీయస్థాయి ప్రేరణ శిక్షణ శిబిరానికి జిల్లా నుంచి ఇద్దరు విద్యార్థులు ఎంపికైనట్లు డీఈవో రాజు ఓ ప్రకటనలో తెలిపారు. జవహార్ నవోదయ విద్యాలయ విద్యార్థి అరుణ్‌కుమార్, జంగంపల్లి జ్యోతిబాపూలే విద్యార్థిని భావజ్ఞ ఈ నెల 26 నుంచి 31వరకు జరిగే శిక్షణకు హాజరవుతారన్నారు. ప్రాయోగిక విద్య, విద్యార్థుల సర్వతోముఖాభివృద్ధి, విలువల ఆధారిత విద్యపై వీరికి శిక్షణ ఇస్తారని డీఈవో వెల్లడించారు. నాయకత్వం, వినయం, స్వాభిమానం తదితర అంశాల్లో ప్రేరణాత్మక శిక్షణ ఇస్తారన్నారు. ఈ సందర్భంగా విద్యాశాఖ సమన్వయకర్త వేణుగోపాల్, ప్రిన్సిపల్స్ సత్యావతి, మణిదీప్తి విద్యార్థుల ప్రతిభను అభినందించారు.