ప్రతి ఒక్కరూ ఓటు హక్కును వినియోగించుకోవాలి

రామారెడ్డి: ప్రజాస్వామ్యంలో ఓటు  వజ్రాయుధమని, దాన్ని  ప్రతి ఒక్కరూ వినియోగించుకోవాలని  ఐఎస్ఆర్‌డీ స్వచ్ఛంద సంస్థ ప్రధాన కార్యదర్శి అమృత రాజేందర్ అన్నారు.  ఇన్స్ ఫైర్ సొసైటీ ఫర్ రూరల్ డెవలప్‌మెంట్ (ఐ.ఎస్.ఆర్.డి) స్వచ్ఛంద సంస్థ కామారెడ్డి ఆధ్వర్యంలో బుధవారం రామారెడ్డి మండలం పోసానిపేట్  గ్రామ ఉపాధి హామీ కూలీలకు ఓటు హక్కుపై అవగాహన కల్పించారు. ఈ సందర్భంగా ఆయన మాట్లాడుతూ  రాజ్యాంగం కల్పించిన ఓటు హక్కును ప్రతి ఒక్కరూ ఎలాంటి  ప్రలోభలకు గురికాకుండా వినియోగించుకోవాలని సూచించారు.  అనంతరం ఓటర్లందరితో  ప్రతిజ్ఞ చేయించారు.  ఈ కార్యక్రమంలో ఐ.ఎస్.ఆర్.డి సిబ్బంది శివాజీ రావు, ఉపాధి హామీ కూలీలు పాల్గొన్నారు.