ఘనంగా ప్రపంచ రెడ్ క్రాస్ దినోత్సవం

నాగిరెడ్డిపేట: నాగిరెడ్డిపేట ప్రభుత్వ ఆసుపత్రిలో బుధవారం ఇండియన్ రెడ్ క్రాస్ సొసైటీ సభ్యులు స్థానిక ఎస్సై రాజు చేతులమీదుగా కేక్ కట్ చేసి రోగులకు పండ్లు పంపిణీ చేశారు. ప్రపంచ రెడ్ క్రాస్ దినోత్సవం ఘనంగా నిర్వహించారు. ఈ సందర్భంగా మండల రెడ్ క్రాస్ సొసైటీ అధ్యక్షుడు మాజీ సర్పంచ్ దేశబోయిన సాయిలు మాట్లాడుతూ.. ఎందరో రక్తహీనత రోగుల ప్రాణాలు కాపాడిన రెడ్ క్రాస్ సొసైటీ దినోత్సవం జరుపుకోవడం ఆనందంగా ఉంది అన్నారు. ఈ కార్యక్రమంలో ఇండియన్ రెడ్ క్రాస్ సొసైటీ మండల సభ్యులు కొంపల్లి యాదగిరి గౌడ్, అశ్వక్ అలీ తోపాటు ఆస్పత్రి సిబ్బంది తదితరులు పాల్గొన్నారు.