ఏకలవ్య గురుకులాల్లో ఇంటర్ కళాశాల అడ్మిషన్లు

కామారెడ్డి పట్టణం: ఉమ్మడి నిజామాబాద్ జిల్లాలోని గాంధారి (బాలుర), ఇందల్వాయి (బాలికలు) ఏకలవ్య మోడల్ రెసిడెన్షియల్ జూనియర్ కళాశాలలో ఇంటర్మీడియట్‌లో ఖాళీ సీట్ల అడ్మిషన్ల కోసం దరఖాస్తులు స్వీకరించనున్నారు. ఈ మేరకు ఆ సంస్థ ప్రాంతీయ సమన్వయ అధికారి టి.సంపత్ కుమార్, నోడల్ ప్రిన్సిపల్ సోమ్లా నాయక్ తెలిపారు. ఈనెల 21 వరకు గిరిజన విద్యార్థులు దరఖాస్తులు సమర్పించాలని కోరారు. 2023-24 విద్యా సంవత్సరంలో సీబీఎస్ఈ లేదా స్టేట్ సిలబస్‌లో పదవ తరగతి ఉత్తీర్ణత సాధించిన గిరిజన విద్యార్థులు సంబంధిత పాఠశాలలో దరఖాస్తులు చేసుకోవాలని అన్నారు. పూర్తి వివరాల కోసం ఆయా పాఠశాలల్లోని ప్రధానాచార్యులను సంప్రదించాలని సూచించారు.