విద్యుదాఘాతంతో వృద్ధుడి మృతి

పర్లాఖెముండి : విద్యుదాఘాతంతో వృద్ధుడు మృతి చెందాడు. ఈ ఘటన  గజపతి జిల్లా మోహన ఠాణా పరిధిలోని బేతర్ సింగ్ గ్రామంలో జరిగింది.  ఠాణా అధికారి బసంత్ శెఠి తెలిపిన వివరాల ప్రకారం.. గ్రామానికి  చెందిన ప్రమోద్ దోలాయ్ (60) శుక్రవారం అర్ధరాత్రి  ఇంటి నుంచి బయటికి వెళ్లాడు. ఈ క్రమంలో రహదారిపై పడి ఉన్న విద్యుత్‌వైర్లకు తగలడంతో విద్యుదాఘాతానికి గురయ్యాడు.  ప్రమోద్‌ దోలాయ్‌ ఎంతసేపటికి ఇంటికి రాకపోయేసరికి  కుటుంబ సభ్యులు బయటకు వెళ్లి చూశారు.  రహదారిపై పడి ఉన్న ప్రమోద్‌ దోలాయ్‌ను గమనించిన కుటుంబసభ్యులు.. మోహన ఆరోగ్య కేంద్రానికి తరలించారు. అప్పటికే ప్రమోద్‌  మృతి చెందినట్లు వైద్యులు తెలిపారు. ఈ ఘటనపై కేసు నమోదు చేసి  దర్యాప్తు చేపట్టినట్లు పోలీసులు తెలిపారు. 

విద్యుదాఘాతంతో రైతు మృతి

బరంపురం: గంజాం జిల్లా, బుగుడ బ్లాక్‌లోని తలోసాకరో గ్రామానికి చెందిన రైతు అరున్‌ నాయక్‌(37) మృతి చెందారు. నిన్న రాత్రి పొలానికి నీళ్లు పెట్టడానికి వెళ్లి వన్యప్రానుల వేటకు అమర్చిన విద్యుత్‌ తీగలు తగిలి అక్కడికక్కడే మృతి చెందారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.