సీఎం... గుమస్తా చేతిలో రిమోట్‌: ధర్మేంద్ర

ఫుట్‌పాత్‌ హోటల్లో విపక్షనేత జయనారాయణ మిశ్రతో కలిసి అల్పాహారం తింటున్న ధర్మేంద్ర

భువనేశ్వర్‌, న్యూస్‌టుడే: ఒక రాష్ట్రాన్ని బాగు చేయడానికి అయిదేళ్లు చాలునని, నవీన్‌ పట్నాయక్‌కు ఒడిశా ప్రజలు 24 ఏళ్లు అధికారం ఇచ్చినా ఏమీ చేయలేకపోవడం ఆయన చేతగానితనం కాదా? అని కేంద్రమంత్రి ధర్మేంద్ర ప్రధాన్‌ ప్రశ్నించారు. బుధవారం సంబల్‌పూర్‌లో ఎన్నికల ప్రచారం చేసిన ఆయన విలేకరులతో మాట్లాడుతూ... నవీన్‌ వీడియోల్లో కనిపిస్తున్నారని, ఆయన గుమస్తా చేతిలో రిమోట్‌ ఉందని, నిస్సహాయమైన ఆయన మళ్లీ అధికారంలోకి వచ్చి ఏం చేయగలరని ప్రశ్నించారు. ఆయన హయాంలో ఏ రంగంలోనైనా అభివృద్ధి జరిగిందా అన్నదానిపై బహిరంగ చర్చకు బిజద పెద్దలు ముందుకొస్తే తాను సిద్ధమన్నారు.