చెల్లని చెక్కు కేసులో నిందితుడికి జైలు

కనిగిరి: చెల్లని చెక్కు కేసులో ఒకరికి జైలు శిక్ష విధిస్తూ న్యాయమూర్తి సోమవారం తీర్పునిచ్చారు. సీఎస్‌పురం మండలం అరివేముల గ్రామానికి చెందిన అన్నపురెడ్డి పరమేశ్వరరెడ్డి వెలిగండ్ల మండలం తమ్మినేని పల్లికి చెందిన కఠారి సిద్ధారెడ్డి నుంచి రూ. 3.7 లక్షలు అప్పుగా తీసుకున్నారు. అందుకు సంబంధించి చెక్కు ఇవ్వగా, అది చెల్ల లేదు. దీంతో సిద్ధారెడ్డి కేసు వేశారు. దీనిపై న్యాయ విచారణ జరగ్గా, చెక్కు బౌన్స్‌ అయినట్లు తేలడంతో నిందితుడు పరమేశ్వరరెడ్డికి కనిగిరి జూనియర్‌ సివిల్‌ జడ్జి భరత్‌ చంద్ర ఏడాది జైలుశిక్ష, రూ. 3.7 లక్షల జరిమానా విధిస్తూ తీర్పునిచ్చారు.