జగన్‌కు జిల్లా ‘రివర్స్‌’ షాక్‌

ప్రసంగిస్తున్న జగన్‌.. చిత్రంలో ఎమ్మెల్యే అభ్యర్థి దద్దాల నారాయణ

న్యూస్‌టుడే, కనిగిరి: సార్వత్రిక ఎన్నికల వేళ.. వైకాపా అధినేత జగన్‌ మోహన్‌ రెడ్డికి జిల్లాలో జనం ‘రివర్స్‌’ షాక్‌లిస్తున్నారు. ఇటీవల టంగుటూరులో మంత్రి ఆదిమూలపు సురేష్‌ గెలుపు కోరుతూ జగన్‌ ప్రచారం చేశారు. ఈ సభ జనం లేక పూర్తిగా వెలవెలబోయింది.హెలీప్యాడ్‌ వద్దకు వచ్చే సమయానికి కూడా సభాస్థలిలో 500 మంది కూడా లేకపోవడంతో నేతలు, అభ్యర్థులు సమీపంలో ఉన్న వారిని సమీకరించుకుని వచ్చేందుకు నానాపాట్లు పడ్డారు. వారిలోనూ పలువురు జగన్‌ ప్రసంగిస్తుండగానే వెనుదిరిగారు. కనిగిరిలో వైకాపా అభ్యర్థి దద్దాల నారాయణ తరఫున శుక్రవారం నిర్వహించిన ఎన్నికల ప్రచార సభలోనూ అదే పరిస్థితి. జగన్‌ మాట్లాడటం ప్రారంభించిన అయిదు నిముషాలకే పలువురు వెనుదిరిగి వెళ్లడం కనిపించింది. ప్రసంగం పూర్తయ్యే సమయానికి ఆ ప్రాంతం సగానికి పైగా ఖాళీ కావడం గమనార్హం.