హడలెత్తించిన మంటలు

అది మంగళవారం సాయంత్రం 5.30 గంటల సమయం.. జేఆర్‌పురం పాత పెట్రోలు బంకు వద్దకు డీజిల్‌తో నిండి ఉన్న ట్యాంకరు లారీ వచ్చింది.. వెంటనే ఇంధనాన్ని అన్‌లోడ్‌ చేసేందుకు సిబ్బంది సిద్ధమయ్యారు. ఇంతలోనే లారీ క్యాబిన్‌లో నుంచి ఒక్కసారిగా మంటలు చెలరేగాయి.. దీంతో బంకు వద్ద ఉన్న వారంతా ఉరుకులు, పరుగులు తీశారు. పేలిపోతుందేమోనని అందరూ ఆందోళన చెందారు. వెంటనే తేరుకున్న బంకులోని సిబ్బంది మంటలను అదుపు చేసేందుకు ప్రయత్నించారు. సమాచారం అందుకున్న అగ్నిమాపక సిబ్బంది వచ్చి మంటలను ఆర్పివేయడంతో అంతా ఊపిరి పీల్చుకున్నారు. మంటలు లారీ అంతా వ్యాపించి ఉంటే నష్టం భారీగా ఉండేది. 

 - న్యూస్‌టుడే, రణస్థలం