నిష్పక్షపాతంగా పని చేయండి

మాట్లాడుతున్న వ్యయ పరిశీలకుడు శరవణకుమార్‌, చిత్రంలో కోమల్‌ జీత్‌ మీనా, నవీన్‌కుమార్‌ సోనీ

కలెక్టరేట్‌(శ్రీకాకుళం), న్యూస్‌టుడే: ఎన్నికల సిబ్బందిపై ఎంతో గురుతర బాధ్యత ఉందని, ప్రతి ఒక్కరూ నిష్పక్షపాతంగా పని చేయాలని వ్యయ పరిశీలకులు శరవణకుమార్‌, కోమల్‌ జీత్‌ మీనా, నవీన్‌కుమార్‌ సోనీ సూచించారు. కలెక్టరేట్‌లో సమన్వయ కమిటీలు, నోడల్‌ అధికారులతో మంగళవారం నిర్వహించిన సమీక్షలో వారు మాట్లాడారు. పోటీలో ఉన్న అభ్యర్థుల రోజువారీ ప్రచార ఖర్చులపై ప్రత్యేక దృష్టి సారించాలన్నారు. నగదు, ఉచితాలు, మద్యం పంపిణీని నిరోధించేందుకు నిఘాను పటిష్ఠం చేయాలని ఆదేశించారు. సమావేశంలో సీపీవో ప్రసన్న లక్ష్మి, ఆడిట్ అధికారి సుల్తానా, జీఎస్టీ సహాయ కమిషనర్‌ రాణిమోహన్‌, డీటీసీ చంద్రశేఖర్‌రెడ్డి, తదితరులు పాల్గొన్నారు.