Tamil Nadu floods: వరదలో చిక్కుకున్న నా భర్తను కాపాడండి

విలపిస్తున్న భార్య వీడియో వైరల్‌

వివరాలు చెబుతున్న మహిళ

ప్యారిస్‌, న్యూస్‌టుడే: వరదలో (Tamil Nadu floods) చిక్కుకున్న భర్తను కాపాడాలని భార్య విలపిస్తూ మాట్లాడిన వీడియో సామాజిక మాధ్యమాల్లో వైరల్‌గా మారింది. తూత్తుకుడి జిల్లాలో వరద తీవ్ర నష్టాన్ని మిగిల్చింది. అవసరమైన వారు వాట్సాప్‌, సామాజిక మాధ్యమాల ద్వారా సహాయం కోరవచ్చని ప్రభుత్వం ప్రకటించింది. ఈ నేపథ్యంలో పుళియంకుళానికి చెందిన ఓ మహిళ సామాజిక మాధ్యమాల్లో వీడియో పోస్టు చేసింది. అందులో.. స్నేహితుడి కుటుంబాన్ని కాపాడేందుకు తన భర్త వెళ్లాడని, అప్పుడు కారు నీటిలో మునిగిపోవడంతో వాహనం పైకెక్కి తనతో ఫోన్‌లో మాట్లాడినట్లు తెలిపింది. అనంతరం ఫోన్‌ అందుబాటులోకి రాలేదని ఆవేదన వ్యక్తం చేసింది. ఏమయ్యాడో తెలియలేదని, కాపాడాలని వివిధ కార్యాలయాలకు వెళ్లగా అక్కడికి, ఇక్కడికి వెళ్లాలంటూ తిప్పించారని తెలిపింది. సాయం చేసేందుకు ఎవరూ ముందుకురాలేదని విలపించింది.