దర్యాప్తునకు నటి గౌతమి హాజరు

ఎస్పీ కార్యాలయం నుంచి వెళ్తున్న గౌతమి

ప్యారిస్‌, న్యూస్‌టుడే: స్థల మోసం ఫిర్యాదుపై నటి గౌతమి వద్ద రామనాథపురం పోలీసులు దర్యాప్తు చేశారు. రామనాథపురం జిల్లా ముత్తుకుళత్తూర్‌ వద్ద 64 ఎకరాల స్థలాన్ని కొనుగోలు చేసేందుకు గౌతమి నుంచి అళగప్పన్‌ రూ.3 కోట్లు తీసుకున్నారు. స్థలాన్ని కొనుగోలు చేసినట్లు పత్రాలు చూపారు. అది ప్రైవేటు సంస్థకు చెందినదని, అళగప్పన్‌ నకిలీపత్రాలు తయారు చేసి మోసానికి పాల్పడినట్లు గౌతమి రామనాథపురం క్రైం బ్రాంచ్‌లో ఫిర్యాదు చేశారు. కేసు విషయమై గౌతమి సోమవారం రామనాథపురం జిల్లా ఎస్పీ కార్యాలయంలోని క్రైం బ్రాంచ్‌లో దర్యాప్తునకు హాజరయ్యారు. సుమారు గంట పాటు ఆమె వద్ద పోలీసులు వివరాలు సేకరించారు.