శత్రువులు డ్రోన్‌ దాడి చేస్తే..

ఉక్కునగరం(గాజువాక)న్యూస్‌టుడే: శత్రువులు డ్రోన్‌ద్వారా దాడి చేస్తే ఎలా ఎదుర్కోవాలో సాధన చేసేలా ఉక్కు సీఐఎస్‌ఎఫ్‌ యూనిట్‌ ఆధ్వర్యంలో సోమవారం మాక్‌ డ్రిల్‌ నిర్వహించారు. శత్రు డ్రోన్‌ ప్రవేశాన్ని వాచ్‌ టవర్స్‌లో కాపలా ఉంటున్న జవాన్లు గుర్తించి తగిన విధంగా ప్లాన్‌ చేసి తిప్పి కొట్టేందుకు సిద్ధం కావాలంటూ వ్యూహరచన చేశారు. ఈ సందర్భంగా అధికారులు మాట్లాడుతూ ఊహించని వాటిని ఆశించకుండా ఎప్పటికప్పుడు అప్రమత్తంగా ఉండాలని పిలుపునిచ్చారు. మాక్‌ డ్రిల్‌లో సీఐఎస్‌ఎఫ్‌, కోస్ట్‌ గార్డ్‌, స్థానిక పోలీసులు, ఇంటెలిజెన్స్‌ బ్యూరో, ఉక్కు యాజమాన్యం కలసి సంయుక్తంగా ఈ మాక్‌ డ్రిల్‌ నిర్వహించారు.