మరో.. 1,959 కేసులు నమోదు

వన్‌టౌన్‌, న్యూస్‌టుడే: కరోనా కేసుల ఉద్ధృతి కొనసాగుతోంది. శుక్రవారం ఉదయం నుంచి శనివారం ఉదయం వరకూ పాజిటివిటీ రేటు 39.91తో 1959 కేసులు నమోదయ్యాయి. ముగ్గురు బాధితులు మృతి చెందారు. మృతుల్లో అత్యధికులు 70 ఏళ్లు దాటిన వారున్నారు. గుండె, కాలేయం, మూత్రపిండాలు, మధుమేహం, రక్తపోటు వంటి ఇతర రుగ్మతలతో బాధపడుతూ కొవిడ్‌ బారిన పడి మృతి చెందిన వారే అధికంగా ఉన్నారని ఆసుపత్రి వర్గాలు చెబుతున్నాయి. ఒడిశా నుంచి హిమీఫీలియోతో బాధపడుతూ వచ్చిన 11 నెలల చిన్నారి కొవిడ్‌తో కన్నుమూసిన వారిలో ఉన్నారు. మరో వైపు కోలుకుంటున్న వారిసంఖ్య క్రమంగా పెరుగుతోంది. ఒక్కరోజు వ్యవధిలో 684 మంది కోలుకున్నారు. 250 మంది ఆసుపత్రుల్లో చికిత్స పొందుతున్నారు.

జిల్లాలో మొత్తం బాధితులు: 1,75,853

శనివారం కోలుకున్న వారు: 684

మొత్తం కోలుకున్న వారు: 1,60,435

మొత్తం మృతులు: 1,126

చికిత్స పొందుతున్న వారు: 14,292