రాష్ట్రంలో తుగ్లక్‌ పాలనకు ఇవే చివరి ఎన్నికలు

సినీ నటుడు పృథ్విరాజ్‌

ఎం.వి.పి.కాలనీ, న్యూస్‌టుడే : ఆంధ్రప్రదేశ్‌లో తుగ్లక్‌ పరిపాలనకు ఇవే చివరి ఎన్నికలు అని సినీనటుడు, జనసేన ప్రచారకుడు పృథ్విరాజ్‌ అన్నారు. ఎంవీపీకాలనీ విశాఖ పార్లమెంటు కూటమి అభ్యర్థి శ్రీభరత్‌ ఎన్నికల కార్యాలయంలో మంగళవారం ఏర్పాటు చేసిన విలేకరుల సమావేశంలో ఆయన మాట్లాడారు. రాష్ట్రవ్యాప్తంగా ఇప్పటి వరకు తాను నిర్వహించిన ప్రచారంలో తెదేపా, జనసేన, భాజపా కూటమి అభ్యర్థులకు అపురూప ఆదరణ లభిస్తోందన్నారు. ముఖ్యమంత్రి జగన్మోహన్‌రెడ్డి బటన్‌ నొక్కుతున్నా, కొందరి ఖాతాలకే నిధులు చేరుతున్నాయన్నారు. సరైన రహదారులు, నీటి పారుదల ప్రాజెక్టులు లేక వైకాపా ఎమ్మెల్యేలపై ప్రజలు తిరగబడుతున్నారన్నారు. ప్రజలు ఎన్నుకున్న ప్రజాప్రతినిధులు బూతులు మాట్లాడటాన్ని ప్రజలు గమనించారన్నారు. కూటమి ప్రభుత్వం అధికారంలోకి వచ్చాక ప్రభుత్వ విధానాలను మరింత సమర్థంగా అమలు చేస్తుందన్నారు.